الجوهرة
04-04-2008, 02:34 AM
السلام عليكم ورحمة الله وبركاته
تذكرون جدتي الله يرحمها اللي حكيت لكم عنها اللي تخاف من السيارات
ما تبون اعطيكم واجب بالمرة ههههههههههههه
قولوا اسلمي
الحاصل انها كانت تسولف مع جارتها ويقال لكم مجلس ذكر
قامت جدتي تعلم جارتها بقصة ابراهيم عليه السلام
واختصرت قصة بناء الكعبة وخشت على قصة ذبح اسماعيل لان مالها خلق على التفصيل
اترككم مع جدتي وجارتها ولا يفوتكم الحوار
جدتي : وقام ابراهيم عليه السلام هو ووليده وبنوا الكعبه الولد يمد الحصى والابو يليص ويبني
ويوم قضوامشوا شوي قال الابو ( يابني اني ارى في المنام اني اذبحك )
قال الولد الشور شورك يايبه
الجارة : مع شوي استغراب وطيرة بوهه هوووووهوووهووووو وهمن ؟:eek:
جدتي : وهو يسدح الولد ويحط السكين على رقيبته .:(
الجارة ما تحملت تخيلت الموقف وطيرت عيونها في وجه جدتي وهي تقول :
"هالحين يوم قضى بانن معه قال ابذبحك ؟":mad:
ومع الصوقة والانفعال قامت واخذت عباتها وهي تهوش
وتقول : ما هوب صتز ان شالله ما هقيتها من براهيم :confused:
اقول يا سوير (اسم جدتي سارة ) العبي على غيري
جدتي : والله هذا اللي صار لاجبت شي من عندي
الجارة وهي تلبس عباتها : اشوفك تالي عمرتز قمتي تذبحين الانبيا يا بنت مهنا
تهاوشو شوي ثم .
جدتي : اصبري ما سمعتي تالي السالفة ؟:(
الجارة :وش اصبر الين يموت الوليد ؟ وهي تطلع وتخبط بالباب .
وجدتي تلحقها تبي تعلمها النهاية السعيدة لكن ما امداها الجارة وصلت بيتها وهي تحلطم وتحاكي روحها
ارجو ان تكون قصتي وسعت صدوركم ( الله الله بالرد السنع )
تذكرون جدتي الله يرحمها اللي حكيت لكم عنها اللي تخاف من السيارات
ما تبون اعطيكم واجب بالمرة ههههههههههههه
قولوا اسلمي
الحاصل انها كانت تسولف مع جارتها ويقال لكم مجلس ذكر
قامت جدتي تعلم جارتها بقصة ابراهيم عليه السلام
واختصرت قصة بناء الكعبة وخشت على قصة ذبح اسماعيل لان مالها خلق على التفصيل
اترككم مع جدتي وجارتها ولا يفوتكم الحوار
جدتي : وقام ابراهيم عليه السلام هو ووليده وبنوا الكعبه الولد يمد الحصى والابو يليص ويبني
ويوم قضوامشوا شوي قال الابو ( يابني اني ارى في المنام اني اذبحك )
قال الولد الشور شورك يايبه
الجارة : مع شوي استغراب وطيرة بوهه هوووووهوووهووووو وهمن ؟:eek:
جدتي : وهو يسدح الولد ويحط السكين على رقيبته .:(
الجارة ما تحملت تخيلت الموقف وطيرت عيونها في وجه جدتي وهي تقول :
"هالحين يوم قضى بانن معه قال ابذبحك ؟":mad:
ومع الصوقة والانفعال قامت واخذت عباتها وهي تهوش
وتقول : ما هوب صتز ان شالله ما هقيتها من براهيم :confused:
اقول يا سوير (اسم جدتي سارة ) العبي على غيري
جدتي : والله هذا اللي صار لاجبت شي من عندي
الجارة وهي تلبس عباتها : اشوفك تالي عمرتز قمتي تذبحين الانبيا يا بنت مهنا
تهاوشو شوي ثم .
جدتي : اصبري ما سمعتي تالي السالفة ؟:(
الجارة :وش اصبر الين يموت الوليد ؟ وهي تطلع وتخبط بالباب .
وجدتي تلحقها تبي تعلمها النهاية السعيدة لكن ما امداها الجارة وصلت بيتها وهي تحلطم وتحاكي روحها
ارجو ان تكون قصتي وسعت صدوركم ( الله الله بالرد السنع )