جدولي في تنظيم الدخل

[مروج]

:d1:
كيفكم هذي أول مشاركة لي واحب اني اعرض لكم فيها تجربة او بلأصح اسلوب استخدمته لمحاسبة نفسي اولا.. :get-11-2007-do7a_co
تعلمت كيف استغل المبالغ المالية بطريقة منظمة.....
بدون مقدمات وخذ وهات السالفة ومافيها جدول من خمس خانات..
سويته وصرت اكتب فيه كل مبلغ استلمته1 ومن مين 2ومتى3 وأين ذهب 4 والمتبقي5 وفي الصفحة اللي قدام الجدول....
اكتب وش ودي احقق خلال الشهر الجاي وش الأشياء المهمه وايش الاهم واحلى حاجة في الموضوع لما تكتبين صح امام اللي تححق وتكتبين
امامه تم:thumbs:
انا في انتظار ردودكم ورأيكم في هذا الجدول واللي عندها تعديل تعلمني انا ودي اسمع خبرة اللي وصلو لمثل هذي المرحلة من اللتنظيم ويعلمونني وش ممكن اضيف وكمان ودي احد ماقد جرب هذا الاسلوب ويجرب ويقول لي كيف صار معه
اشكركم لمروركم وسعة بالكم :2ldhx5thy5:

[لتاليا]

مشكورة حبيبتي على موضوعك الرائع وانا عن نفسي طريقتي الاولوية للاهم في جميع المصاريف
وزي ما قلتي لازم يكون فيه جدول للتنضيم ..وان شاء الله الاخوات يضيفو تجاربهم
مع تحياتي واحترامي

[الشروق الساحر]

انا عن نفسي اكتب بس بعض الاحيان انسى مااكتب او اكون مستعجلة .... بس والله كثير يصير لخبطة

[مروج]

اشكركم اخواتي على المرور والتعليق والله رفعتو معنوياتي
بس مضاوي كيف يكون لخبطة؟؟؟
اذا صار لك دفتر خاص بهذا الجدول كل ما اشتريتي شي كتبتي فيه واذا صرتي تعرفين كم في بوكك قبل ما تطلعين للسوق ابدا مايصير لخبطة,,,, صدقيني اللخبطة انا كنت اعاني منها قبل ماا أستخدم الجدول كان عندي شعور دائم بأن فيه أحد يستغلني او يسرق مني وانا ما أدري وهذا كان يحسسني بعدم الأمان :sad_1:
وكمان كان ضميري يأنبني كل ما اشتريت لنفسي اكسسوارات دائما احس اني اضيع فلوسي بحاجة ماتنفع وأني موب قد المسؤلية:(
لكن بعد الجدول شوفي وش كسبت:
1_زادت ثقتي بنفسي وكمان باللي حولي وما عاد شكيت في الشغالات
2_صار عندي تقدير مسبق بالمبلغ اللي ممكن اصرفه على اي بضاعة مايلعب على السواق ولا اصحاب المحلات الجديدة لاني اعرف الاسعار.
3_صارت ذاكرتي اقوى لان التسجيل صار عادة وصار كانه يوميات لي
4_صرت اسوي جرد كل ستة اشهر واعرف كم صرفت على الأكل والملابس والاكسسوارات والصدقة وهذى اهم شي,,, وكمان عرفت عند اي بضاعة انا اضعف وصرت اقلل منها
5_لما اسوي الجرد اجمع المبالغ المستلمة كلها بيطلع مبلغ كبير واقعد احسب لو جاني هذا المبلغ دفعة واحدة كيف ممكن اقسمة عشان احقق اشياء اكثر في الست أشهر القادمة.
6_اهم شي تتذكرين الناس اللي اشتريتي لهم هدايا .:82:

[الجوهرة]

وااااو يا مروج

والله شي !!!!!!!!!!!!!

اتمنى اتعلم اسوي جدل دقيق مثلك ماشاء الله عليك !!!!!!!!!!!

باحاول اجرب واوافيك بالنتيجة

مشكوووووووووورة عالموضوع الجذاب

لاتخلينا من تجاربك الله يسعدك

[مروج]

شكرا ابلا جوجو على المرور والتشجيع يلا جربي وقولي لي ايش استفدتي

[الشروق الساحر]

انا مشكلتي ان المصروف في البيت امي تاركة التدبير فية لي انا المسؤلة عن مصروف اخواني في المدرسة وعن المطبخ وكل مايحتاج وعن فواتير الكهرباء والماء والسوق .....وكل شئ ماعدا راتب الشغالة....المهم استلم كل شهر 4700 ريال.....اول شئ اعطي امي 500 مصروف الشهر الخاص لهاا سوا تبي تهدي تبي تتصدق ولشحن جوالهاا المهم لهاا....واعطي اخوي اللي في الجامعة 500 مصروف كمان له للجامعة والسيارة و و و الخ.واسدد الكهرباء كل شهرين ...واعطي اخواني اللي في المدرسة طبعا هم اثنين بنت في الثانوي وولد في المتوسط من 100 ريال طبعاا البنت تروح فلوسهاا في القلوسات للمدرسة كل اسبوع تشتري من كل ماركة تاخذ قلوس...والولد تروح فلوسة في بطايق الشحن واشرطة البلاي ستيشن....طبعا هذا المصروف الشهري الخاص فيهم غير مصروف المدرسة كل يوم اعطيهم 5 ريال 3للمدرسة و2للعصرية على قولتهم....وطبعا كل شهر انزل السوبر ماركت واشتري اغراض شهر كامل من كل شئ حتى ادوات التنظيف.....المهم في النهاية يزيد 500 ريال.............واجمعهاا شهر مع شهر....واذا جات مناسبة مثلا عيد زواج او اي مناسبة اللي جمعتة اتقاسمة انا واختي واخوي بالتساوي ونتشرى بة...ماعدا امي لان يكون معهاا زيادة من المصروف اللي تاخذة كل شهر ...هااااااااااااه شو رايكـــ؟؟؟؟؟؟؟

وعطيني افكار عشان اقتصد اكثر....

[مروج]

ماشاء الله تبارك الله عليك يامضاوي الله يزيدك من فضله ويزيدك بر لوالدتك

اعرف وحدة مسؤلة عن اربعة اطفال وكان دخلهم 2000 وسويت لها جدول

وقدرت تتدخر منه للعيد وبداية كل فصل دراسي وسفرة في الصيفية لمكة + ادخار في البنك للظروف


واستفادت منه وهي تدعيلي لكن أبغى اعرف بالدقة كم ممكن تكلف الفواتير

وكم ممكن يا خذ التسوق بحسب ماذكرتي حدود3000

.... وهل البنت والولد كل واحد 100 ام 50

وسؤال اخير اذا كان عند البنت والولد استعداد يقتصدون او بالأصح تعطينهم مصروف اسبوعي وهم

يوزعونة بحسب احتياجاتهم ويدخرون منه لإكسسواراتهم صدقيني لما يتعودون من هذا العمر على التنظيم بادن

الله يكونون في المستقبل قد المسؤلية وبيتشجعون اكثر لما تقولين انك وفرتي عشان يستفيدون في

المستقبل في اجازة الصيف مثلا او العيد او حفلة او عزيمة او دورات.

مبدئيا جيبي دفتر وسوي فيه الجدول اللي ذكرته 5 خانات عشان تتعودين على التدوين اليومي بعد مرور شهر

بتعرفين ايش اكثر شي يستهلك هل هو الفواتير ام المطبخ بس ماراح تستفيدين الا اذا ذكرتي المبلغ بالدقة

بدون تقريب .

اتمنى اكون نفعتك وتحمليني شوي الى ان اطلع لك جدول ينفعك على مدار السنة

[الوســــــــــــــــــــن]

ماشاء الله عليكم يابنات ومشكورة يامروج على الموضوع

انا بصراحه ودى اسوى جدول لانى فعلا دائم اشتكى من ضياع فلوسي وين مدري ؟؟؟

مضاوي ...ترى انتى مبذرة ولازم توفرين اكثر ...

تدرين يامروج البنت والولد اخوانى الله يخليهم ...يشتكون بعد مو عاجبهم يقولون من مسكت مضاوي المصروف ...جوعتنا ...هههههههههههههههههه

[مروج]

اهلا فيك الوسن نوتي الموضوع ووزدتيني ثقة

اللي لازم نعرفة انه من النادر تلقين مراهق راضي عن مصروفه لكن ماراح يقول شي اذا ححد حاجاته

الضروريه والثانويه و اخذ مصروف يغطي الضروريه مع زيادة بسيطة اما الثانوية يدخرها من بقية مصروفه

في هذه الحاله لايمكن يشتكي ان المصروف قليل لانه عارف حاجاته وبيعرف انه اخطأ في التوزيع لكن اذا بدأو

من هذا العمر بالتوزيع الصحيح لمصروفهم باذن الله يعرفون قيمة القرش ويتعلمون الصبر والمحافة على

المال لان هذا هو عمر التعليم لكن الخوف من بعض الأباء والامهات اللي يضحكون عليهم ابنائهم بدمعتين

يعني ياخذ مصروف يلعب فيه وبعدين يبكي عند امه والا ابوه وياخذ مرة ثانية

اما مضاوي الله يزيدها من فضلة والله عجبتني واحب اذكر انه فيه حديث عن

النبي صلى الله عليه وسلم لا اذكر نصه بالضبط ولكن معناه(ماعال من اقتصد) اي اللذي يقتصد في ماله لا

يكون عالة على احد

الله يستر من اخوانكم الحين بيقولون مروج اللي جوعتنا خخخخخخخخخخ

[الوســــــــــــــــــــن]

صدقتى يامروج والله كلامك ذهب ...وليت عيالنا واخواننا يتعلمون ..كيف يدبرون امورهم ..لكن هالجيل الله المستعان....انا بصراحه عيالي مصروفهم اليومي 3 ريال كل يوم بمافيهم الخميس والجمعه ..جربنا مرة وعطيناهم مصروف اسبوع كامل...وفيهم من ضيعه بيوم وفيهم من صرفها كالمعتاد 3 ريال كل يوم ..وفيهم من بخل على نفسه ولاصرف ولاريال ...ههههههههههههه...

مستلزماتهم الاخرى حسب الطلب يعنى نوفرها لهم متى ماطلبوها ...

وبصراحه موضوعك رائع ومهم اخت مروج ..وتعجبني هالنوعيه من النقاشات..وتبادل الافكار والمعلومات

الله يجزيك عنا كل الخير ...وواصلي تألقك المميز

[مروج]

تسلمين يا حبيبتي والله رفعتي معنوياتي انا ما طرحت الفكرة الا بعد ماجربت التجربة وحسيت بالفرق

وقلت خليني اشوف اذا فيه احد بيوصل لنفس المرحلة اللي وصات لها من الرضى على النفس والا لا؟

بس انا ماعندي خبرة كبيرة في الإقتصاد لكن شفت مرة قناة الاقتصاديةcnbc العربية واحد يأكد كلامي ويقول ان كل شخص

اذا اراد ادارة مبلغ يجب ان يضع جدول يعرف فيه المبلغ\ ومصدر المبلغ \ ومتى استلمه\ واين صرفه \ والمتبقي

من عقبها وانا حاسة اني اينشتاين زماني

بس الصراحة دائما اتذكر( حاسبوا انفسكم قبل ان تحاسبو) واتذكر ان المرء لا تزول قدمه يوم القيامه الا بعد ان يسأل عناربع

قال النبي صلى الله عليه "لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ جسدِه فيما أبْلاهُ وعنْ مالهِ مِنْ أيْنَ أخذهُ وفيما أنْفَقَهُ وعنْ عِلمِهِ ماذا عَمِلَ بهِ"

الله ينفعنا بما تعلمنا امين

[الوســــــــــــــــــــن]

اللهم آمين...والله يجزيك كل خير ..وبانتظار مواضيعك الهادفة..الله لايحرمنا منك

[صفاء القلوب]

الله عليكم يا بناات

الله يسعدكم ويبارك فيكم يارب

يسلموا مروج عالموضوع الروعة

لا حرمنا منك يالغلاا

[مروج]

يزيد فضلك يا حجة صفاء مشكورة عالمرور

[كلي أمل بالله]

ما شاء الله عليك يا مروجه

افكار حلوه وهادفة تساعد فعلا في التوفير

بإذن الله أجرب طريقتك

الله يعطيك العافيه حبوبه موضوع تووووووووحفه وجوووونااان

[الشروق الساحر]

هلا والله مروج اعجبني كلامك بس انا مو موظفة انا استلم مصروف الخاص بالبيت وانا اللي اديرة يعني مو حلالي خخخخخخ المهم انا راح اجاوبك على اسئلتك بس الين اجمع حساباتي واعطيك الارقام بالضبط ....

[مروج]

كلي امل بالله تسلمين ياحبيبتي اذا بتجربين علمينا النتيجة وايش استفدتي

مضاوي الله يخليك كلامك الاحلى بس اذا كانت لك الصلاحية توفرين منه او تعيدين ترتيبه تستفيدون كلكم

بالتوفيق ياحبيبتي

[-_*نشمية أردنية*_-]

الله الله عليكم يا صبايا
والله تسلم إيديكي وعينيكي يا مروووج على الأفكار الرهييييييبة يا قلبي
أنا حاولت كتييييير أنظم وأوفر وما في فايدة
أرفع مبلغ وفجأة يطلعلي فاتورة قديمة أو يصير شي يخليني أطلع اللي تحت البلاطة .. متل ما يقولوا
وكنت أحسب كل شي وأسجل كل شي وبعدين مليييييييييييت ورميت الدفتر وقلت أمشي عالبركة أحسن
بس برضه ما ينفع
يا رييييييت أقدر أنظم إيجار البيت وفواتير الكهربا والميه والتلفون والنت وإيجار الشغالة والأكل والشرب ويييييييييييي
شغلة طويلة الله يعيننا عليها
يعني أحتاج اختراع لتنظيم المصروف والله يقدرني أخترعه خخخخخخ
تسلم الأيادي واستفدت من موضوعك بكم فكرة ان شالله أقدر أطبقهم حبيبتي

[مروج]

ماشاء الله عليك يا نشمية الله يكون في عونك بس ما عليك كلش بالترتيب يمشي بس اذا عرفتي من وين تنقط المويه او اكثر شيء يستهلك فلوس بتعرفين تضبطين الوضع على القناة اللي تريحك بالتوفيق حبيبتي مشورة على المرور

[ليلى]

السلم عليكم
الشهر مبارك عيكم
حبيت اشكر اختي مروج لاني هذا الشهر صارت ميزانيتي مضبوطة بعد ما طبقت نصيحتها وياليت نعلم اولادنا وبناتنا كيف يسوون جدول للميزانية

[مروج]

اهلين حبيبتي ليلى صراحة رفعتي معنوياتي وشجعتيني قولي لي كيف مريتي بالتجربة ؟؟

وهل عرفتي الحاجة اللي تسحب فلوسك بدون ماتحسين؟؟

وكيف قدرتي تستمرين بالكتابة؟؟

ردي على والله شوقتيني :)

[‏●[ تٍذْكًآرْ●•]

موضوع حلو .. أعجبتني أفكاركم بصراحه يا مروج ومضاوي

وطريقتكم في التنظيم ..

بالنسبه لي يمكن طريقتي بسيطه بالنسبه للطرق اللي متبعينها والتنظيم هذا

بس عندي بإستثثناء مقاضي البيت منظمه شغلاتي اللي ابي اشتريها , يعني مستحيل

انزل واخم على عماي .. طريقتي كل شهر اقول المره ذي بشتري الأغراض الفلانيه

وما آخذ غير اللي مقررته .. واللي بعده شيء معين وكذا .. وأحط ميزانيه معينه ...

وبكذا مرتاحين والحمدلله ما نعاني من الزنقات ..

موضوع مفيد مروج الله يعطيك الف عافيه عليه

:

[مروج]

تسلمين تذكار على الرد والله فكرة ممتازة ان الواحد يقاوم الاغراءات اللي موجودة ولا يشتري الا اللي رايح عشانه
بس والله اذا شفت تخفيضات ما اقاوم و لما احسبها في الدفتر الاقي ماضاع علي شي
وانا كمان قلت نفس كلامك لأني اكتب الحاجات اللي لازم اوفرها الشهر الجاي مقابل صفحة الحسابات
تسلمين على الافكار ياسكر

["سهومة 2009"]

موضوووع رووووووووعه
امنيتي اوفر في المكافئة اللي ماتجي 5 ايام الا هي منصرفة هههههاي
وارجع اخذ من اهلي >>مع اني قررت اصرف على نفسي لكن ماقدرت ولاعرفت كيف اوفرها

[‏●[ تٍذْكًآرْ●•]

يا حليلك سهومه خمسه ايام والله طولت معك

بس يمكن عندك الوضع غير تاخذينها شهرياً ...؟ على ايامي نستناها ثلاثه والا اربعه شهور

ويومياً لستة اغراضي اللي ابيها تزيد .. لا وأقسم هدايا يقالك كسوة من فرحتي فيها ههههه

:

["سهومة 2009"]

ههههههههههههههههاي
عني انا الكسوة زايدة عندي بس من اول مكافئة
جمعوها 4 أشهر وطلعت 3500
والحين يعطونا كل شهر990 ريال مالت عليهم تكفي لبس والا شحن جوال والا مذكرات
طبعا اكلي من عند ابوي الله لايهينه

[مروج]

ياحبي لك ياسهومة الله لاايحرمنا من أهلنا طرنا والا وقعنا ما يدللنا الا هم بالنسبة للمكافئة خذي مني هذي الإرشادات:
1زي ماقلتي الفطور خذيه من ابوك زيك زي اخوانك
2المذكرات وطلبات الجامعة والبحوث خلي لها الاولوية يمكن بالكثير تاخذ في الشهر 120الى250 بالكثير
3سوي جدول زي اللي ذكرته في بداية الموضوع خمس خانات البلغ \من مين\ومتى استلمتيه\ووين صرفتيه\المتبقي,,,,,,,,,,,هذا الجدول تكتبين فيه كل ما فتحتي بوكك واهم شي تكتبين المتبقي
5في الاعياد تكونين مجمعة مبلغ بسيط عشان لبس العيد والهدايا بس اذا جتك عيدية فلوس اصرفي اللي يجيك ووفري اللي جمعتيعه
6الصفحة اللي مقابل صفحة الجدول تكتبين فيها الاشياء اللي تحتاجينها مع تقدير مالي من عندك يعني تكتبين كم بتكلفك
7الجوال حطي له ميزانية محددة وشريحة شحن احتياط واذا خلص الشحن استخدمي الاحتياط واذا خلص الاحتياط لاتشحنينه الا بالمكافئة الثانية
وبالله اذا جربتي شي علميني ايش صار معك,,,,,,,,,,,,,,,,,بالتوفيق ياسهومة

["سهومة 2009"]

انشاء الله حبيبتي بحاول مع اني على قولة أمي يدي مخروقة هع هع هع